Транп хүн амины гэмт хэрэгтнүүдэд цаазын ял оноох хүсэлтэй байна

Ерөнхийлөгч Дональд Трамп өөрийн засаг захиргаа Вашингтон, D.C.-д хүн амины гэмт хэрэг үйлдсэн хэнийг ч байсан цаазаар авах ял оноохыг эрэлхийлэх болно гэж мягмар гарагт мэдэгджээ.

Энэ нь томоохон хотуудад хэрэгжүүлж буй гэмт хэрэгтэй тэмцэх бодлогын хүрээнд авах томоохон арга хэмжээ болж магадгүй.

Тэрбээр “Цаазын ял нь Вашингтонд аллагыг зогсоох маш хүчтэй арга болно” хэмээн Засгийн газрын хуралдаан дээр хэлээд, “Манай улс үүнд бэлэн эсэхийг мэдэхгүй ч бидэнд өөр сонголт байхгүй. Гэхдээ энэхүү санааг сонссон хүн бүр дэмжиж байна” хэмээн мэдэгдэв.

Вашингтонд орон нутгийн гэмт хэрэгт цаазын ял хуульчлагдаагүй бөгөөд үүнийг сэргээх оролдлого олонтаа бүтэлгүйтэж байсан. Гэвч холбооны прокурорууд тодорхой холбооны гэмт хэрэгт энэ ялыг хэрэгжүүлэх эрхтэй байдаг.

Трампын анхны ерөнхийлөгчийн бүрэн эрхийн хугацаанд нийт 13 хүн цаазаар авахуулсан нь рекорд тоо болж байв. Харин Жо Байдены үед Ерөнхий прокурор асан Меррик Гарланд Холбооны Шүүх ялын бодлогыг дахин хянах хүртэл бүх цаазын ялыг зогсоож байжээ.

Эх сурвалж: Forbes