-14° C
3495.36
Франц улс ирэх 9 дүгээр сараас эхлэн “Ковид-19” цар тахлын халдвар авах эрсдэлтэй бүлгийн иргэдээ коронавирусний вакцины гурав дахь тунд хамруулахаар төлөвлөж байна. Энэ тухай тус улсын ерөнхийлөгч Эммануэль Макрон мэдэгджээ.
Гэхдээ Францын засгийн газар коронавирусний вакцины бүүстэр тунг бүх хүнд хийх шаардлагагүй байж магадгүй, зөвхөн өндөр настай иргэд болон хүнд өвчтэй, халдвар авах эрсдэлтэй иргэдэд хийх нь зүйтэй гэж үзэж байгаа юм байна. өөрөө хэлбэл өвчин, өндөр нас зэргээс шалтгаалан дархлаа муутай, биеийн байдал нь муу байгаа нөхцөлд хүний биед тогтсон эсрэг биет маш хурдан буурдаг учраас энэ ангиллын хүнд бүүстэр тунг хийх нь зүйтэй гэж Францын эрүүл мэндийн салбарынхан үзжээ. Өнгөрсөн долоо хоногоос Израиль улс 60-аас дээш насны иргэдээ коронавирусний бүүстэр буюу нэмэлт тунд хамруулж эхэлсэн.
Мөн Герман, Британи, зэрэг орнууд ирэх сараас иргэдээ коронавирусний гурав дахь тун вакцинд хамруулахаар төлөвлөж байна. Арабын нэгдсэн Эмират улс мөн гурав дахь тунг хийхээр болсноо зарлаад байна. Үүнтэй зэрэгцэн АНУ-ын биотехнологийн Модерна компани дельта хувилбарын тархалт нэмэгдсэнтэй холбогдуулан коронавирусний вакциныг нь хийлгэсэн иргэдийг гурав дахь тунг хийлгэх шаардлагатай гэж мэдээллээ. Модернагийн вакцины хоёр дахь тунг хийлгэснээс хойших зургаан сарын хугацааны вакцины үр нөлөө 93 хувьтай гарчээ. Гэвч 6 сараас хойш үр нөлөө нь буурч магадгүй, иймд энэ оны 2 дугаар хагаст гурав дахь буюу нэмэлт тунг хийх шаардлагатай гэж мэдээлсэн байна.
Гэхдээ лхагва гарагт ДЭМБ-ын ерөнхий захирал Тедрос бага орлоготой орнуудыг иргэдээ вакцинжуулах боломж олгох үүднээс бүүстэр тунг 9 дүгээр сарын сүүл хүртэл хойшлуулахыг улс орнуудад хандаж уриалсан юм.
Эх сурвалж: MNB
0 cэтгэгдэлтэй