“Нарны садан” уран сайхны кино энэ сарын 17-нд нээлтээ хийнэ

Энэхүү бүтээлд Монгол Улсын Хөдөлмөрийн баатар, Ардын жүжигчин, Төрийн соёрхолт Н.Сувд, Ардын жүжигчин А.Дашпэлжээ, Соёлын тэргүүний ажилтан Б.Алимцэцэг, Д.Мөнхтөмөр, Г.Алтангэрэл болон “Говийн домог”-ийн Эгээрэл гүнжийн дүрийг бүтээж олноо танигдсан Б.Замилан нар тогложээ.
Мөн зохиолч, ерөнхий найруулагчаар СТА О.Эрдэнэ, ерөнхий продюсер, хөгжмийн зохиолчоор УГЗ Л.Балхжав, гүйцэтгэх продюсерээр Б.Анир, Т.Энэрэл, Д.Долгион, төслийн удирдагчаар СГЗ Ж.Баяр, зураглаачаар СТА Д.Цэрэнчимэд, Г.Алтаншагай, зураачаар СТА Т.Нямсүрэн, дууны найруулагчаар СТА Э.Эрдэнэбаяр нар тус тус ажиллажээ.
Үндэсний өв соёл, ёс заншлаа эрхэмлэн бүтээсэн “СОДУРА”, “ГОВИЙН ДОМОГ”, “НАРНЫ САДАН” хэмээх гурамсан бүтээлийн сүүлийнх нь ийнхүү 2022 оны 03 сарын 17-оос бүх кино театрын дэлгэцээр гарч, үзэгч олондоо хүрэхэд бэлэн болоод байна.