Хятадад усан замаар хууль бус наймаа хийсэн 300 гаруй сэжигтэй хүнийг баривчилжээ

БНХАУ-ын Жүжянь мөрний усан замаар хууль бус наймаа олширч байгааг зогсоохын тулд энэ сарын 1-7-нд тус улсын Гуандуны далайн цагдаагийн газар, тухайн мужийн Дотоодыг хамгаалах цагдаа, Хил гааль, далайн асуудал эрхэлсэн газар, Далайн тээврийн хууль сахиулах газар, Зах зээлд хяналт тавих газар хамтран дээрх мөрний харьяа бүсэд тусгай ажиллагаа зохион байгуулсан талаар Хятадын далайн цагдаагийн алба энэ сарын 13-нд мэдээлэв.

Тусгай ажиллагааны үеэр хориотой барааг хууль бусаар хил дамжуулсан 55 хэрэг илрүүлж, 353 сэжигтнийг саатуулжээ. Түүнчлэн хууль бус наймаатай холбоотой байх магадлалтай, өндөр хүчин чадал бүхий, ямар ч бичиг баримтгүй хөнгөн хэлбэрийн 860 усан онгоцыг хурааснаас гадна хууль бусаар харилцах 1413 цэг болон усан онгоцны 49 үйлдвэр, хөргүүртэй 62 зоорь, худалдааны цэгүүдийг хяналтад авчээ. Түүнчлэн хууль бусаар импортолж байсан автомашины хөдөлгүүр, сэлбэг, тоног төхөөрөмж, хөлдөөсөн бүтээгдэхүүн, шатахуун зэргийг илрүүлсэн хэмээн CCTV мэдээллээ.