-14° C
3495.36
Украины Ерөнхийлөгч Володимир Зеленьский Оросын дөрөв дэх генерал тулааны үеэр амь үрэгдсэн хэмээв. Тэрээр нэрийг нь хэлээгүй боловч Украины дотоод хэргийн яамны мэдээлснээр амь үрэгдсэн офицер нь хошууч генерал Олег Митяев байжээ.
Мөн Украины хэвлэлүүдийн мэдээлснээр Олег Митяев нь Мариуполь хотын ойролцоо Азовын батальоны тулаанд амь үрэгдсэн аж.
Оросын довтолгоог нийт 20 генерал удирдаж буй бөгөөд Украины мэдээлж буй үнэн бол генералуудынх нь тавны нэг нь амь үрэгдсэн байна.
Украин Оросын дээд түвшний удирдагчдыг онилон тулалдаж байж болзошгүй хэмээн судлаачид үзэж буй. Тухайлбал Жоржтауны их сургуулийн Рита Конаев “Олон генерал амь үрэгдсэн нь тохиолдол биш” хэмээжээ.
Энэ явдлаас өмнө Оросын хошууч генерал Виталий Герасимов амь үрэгдсэн бөгөөд Оросын офицерүүд түүний үхлийн тухай утсаар ярьж байсан бичлэгийг Украины тал дэлгэсэн юм.
Эх сурвалж: BBC
0 cэтгэгдэлтэй