Нийт 595 тохиолдол илэрч, зургаан хүн нас барлаа

ЭМЯ-аас “Ковид 19” цар тахлын нөхцөл байдлын мэдээг 2021 оны арваннэгдүгээр сарын 19-ний байдлаар танилцууллаа.

Тохиолдлын тоо

Улсын хэмжээнд сүүлийн 24 цагийн хугацаанд 595 тохиолдол шинээр илэрсэн байна. Үүний 383 нь нийслэлд, 212 нь орон нутагт бүртгэгджээ.

Нас баралт

Хоногт зургаан хүн нас барж, нийт нас баралтын тоо 1852 болсон байна. Нас барсан иргэдийн нэг нь эрэгтэй, тав нь эмэгтэй байсан бөгөөд 41-60 насны хоёр, 61-80 насны дөрвөн хүн нас баржээ. Нас барсан иргэдийн ар гэр, төрөл төрөгсдөд гүн эмгэнэл илэрхийлье.