-14° C
3495.36
Шинэ Зеланд улсад сүүлийн зургаан сарын хугацаанд анх удаа ковидын халдвар илэрсэн байна. Тиймээс халдвар бүртгэгдсэнээс хойш хэдхэн цагийн дараа буюу мягмар гарагийн оройноос эхлэн тус улсад гурав хоног, коронавирус илэрсэн Оклэнд хотод долоо хоногийн хугацаанд хөл хорио тогтоохоор болсон талаар Ерөнхий сайд Жасинда Ардерн мэдэгджээ.
Тус улс уг тохиолдлыг Австралиас зөөвөрлөгдөн орж ирсэн гэж үзэж байгаа аж. Халдвар илэрсэн хүний ойрын хавьтлын зургаан хүний шинжилгээний хариу эерэг гарчээ.
Энэ нь Шинэ Зеландад илэрсэн коронавирусний анхны дельта хувилбар бөгөөд ийнхүү тус улс дельта хувилбар бүртгэгдсэн сүүлийн орон боллоо. Энэ сарын эхээр ДЭМБ-аас дэлхийн нийт 142 улсад коронавирусний дельта хувилбар илэрсэн талаар мэдээлжээ.
5 сая хүн амтай Шинэ Зеландад ковидын нийт 3000 шахам тохиолдол илэрч, 46 хүн нас барсан байна. Тус улсад вакцинжуулалтын хурд удаашралтай явагдаж байгаа бөгөөд хүн амын 20 хувь нь вакцинд хамрагджээ.
Эх сурвалж: GoGo.mn CNN
0 cэтгэгдэлтэй