The Mongolz Austin Major-н 2-р байранд шалгарлаа

The Mongolz Austin Major-н 2-р байранд шалгарлаа❗
🇲🇳The Mongolz CS2 тоглоомын хамгийн том болох major тэмцээний шигшээд тоглож, II байр эзэлсэн Азийн болон Монголын хамгийн анхны, мөн хамгийн залуу бүрэлдэхүүнтэй баг болж түүх бүтээлээ.
#CS2 -ын жилд хоёр удаа болдог хамгийн том тэмцээн 2025 оны “BLAST.tv Austin Major”-ын аваргын төлөөх финалын тоглолт шөнө эхэлж үүрээр өндөрлөлөө.
Финалд Монгол төдийгүй Ази тивээс анх удаа энэ өндөрлөгт хүрсэн “The MongolZ” баг өнөө цаг үеийн CS2-ын өнгийг тодорхойлж буй Францын “Team Vitality”-тай тоглосон юм.
Энэхүү түүхэн тоглолтыг монголчууд Сүхбаатарын талбайд цуглан хамтдаа үзэж, нутаг нэгт монгол залуусаа дэмжлээ. Зөвхөн Улаанбаатар хотод төдийгүй орон нутагт ч мөн хамт үзэх Watch Party-ууд болсон байна.