12° C
3578.43
Унгарын нийслэл Будапештийн Ласло Паппын нэрэмжит ордонд болж буй 2025 оны жүдо бөхийн ДАШТ-ий -100 кг-ын жинд өнөөдөр Монголын 22 настай залуу тамирчин Баярцэнгэлийн Хүдэрчулуун гарах болно.Анхны ДАШТ-дээ оролцох Б.Хүдэрчулууны эхний өрсөлдөгч Их Британийн 23 настай Оливер Баррат. Европын АШТ-ий мөнгөн медальтай энэ бөхийг ялбал дараа нь Тажикистаны 25 настай Жахонгир Мажидовтой барилдах магадлал өндөр байна. Мажидов сарын өмнө Душанбэгийн “Их дуулга”-аас хүрэл медаль хүртсэн. Мөн Азийн АШТ-ий хошой хүрэл медалтай бөх юм.Одоогоор ДАШТ-ий 10 жингийн аваргууд тодорчихоод байна. 10 алтан медалийн 6-г нь Японы тамирчид хүртсэн. Франц, Гүрж, ОХУ, Италийн жүдоч тус бүр нэг алттай байна. Монголын баг тамирчдаас К.Ёолк, Б.Ганхайч нар хүрэл медаль хүртэж, багийн дүнгээр 12 дугаар байрт жагсаж байна.
0 cэтгэгдэлтэй