-18° C
3417.71
Грэммийн шагнал гардуулах ёслол 1-р сарын 31-нд зарлагдсан боловч товлосон хугацаанд өөрчлөлт орж, арга хэмжээ хойшлогдож магадгүй байгаа талаар “Wall Street Journal” мэдээлжээ.
Хөгжмийн ертөнцөд томоохонд тооцогддог уран бүтээлч, хөгжмийн зохиолч, хөгжимчинд болон кино урлагийнханд олгодог Грэммийн 2022 оны шагналд нэр дэвшигчдийн бүтээлийг арваннэгдүгээр сарын 23-нд авч эхлэхээр зарлаад байсан юм. Гэвч АНУ-ын дуу бичлэгийн академи 64 дэх удаагийн шагнал гардуулах ёслолыг COVID-19 дэгдэлттэй холбоотойгоор 3-р сарын 14 хүртэл хойшлуулж магадгүй болжээ.
Хэрэв ийм шийдвэр гарвал ёслолын ажиллагаа хоёр дахь жилдээ хойшлогдож байна. Өнгөрсөн жил Грэмми шагналыг 1-р сарын 31-ний өдөр биш 3-р сарын 14-нд гардуулсан. Мөн шоуг Crypto.com Arena гэж нэрлэдэг Staples Center-ээс Лос Анжелесийн томоохон конвенцийн төв рүү шилжүүлэхээр шийджээ.
2022 оны шагналын тухайд зураач Жон Батист хамгийн олон буюу 11 номинацид нэр дэвшсэн бол түүний араас Doja Cat, H.E.R. болон Жастин Бибер нар тус бүр найман бүтээлд нэр дэвшүүлжээ.
0 cэтгэгдэлтэй