“Бэтмэн” киноны шинэ ангид Роберт Паттинсон, Зое Кравиц нар тогложээ

“Warner Bros” компанийн бүтээл “The Batman” /Бэтмэн/ киноны шинэ анги дэлгэцнээ удахгүй гарах гэж байна. Тус киноны албан ёсны трэйлерийг өнөөдөр цацсан ба энэхүү кинонд түнэр харанхуйн баатрын гол дүрд жүжигчин Роберт Паттинсон, муур эмэгтэйн дүрд Зое Кравиц нар тус тус тогложээ.

Шинэ ангийн нэр нь “The Bat and The Cat” бөгөөд трейлерт дээрх хоёр дүрийн харилцан яриа, дүр зургийг гол төлөв харуулах ба Бэтмэн, Муур эмэгтэй хоёр хоорондоо тулалдах ч эцэст нь нэг зорилгын төлөө тэмцэн, эелдэг харилцаагаар төгсдөгийг харуулжээ.

Харин жүжигчин Пол Дано хорон санаат Реддлерийн дүрд тоглосон ба тэрээр трэйлерт “Бидний хот гэж нэрлэдэг энэ бохир ертөнцийн тухай үнэнийг өгүүлэхээр би ирлээ” хэмээх юм.

“Бэтмэн” кинонд Паттинсон, Кравиц, Дано нарын хамт жүжигчин Колин Фаррел, Энди Серкис, Жон Туртурро, Питер Сарсгаард, Жейме Лоусон, Жеффри Райт нар тоглосон бол энэхүү киноны найруулагчаар Мэтт Ривз, зохиолчоор Питер Крэйг нар тус тус ажиллажээ.

Тус кино ирэх 2022 оны гуравдугаар сарын 4-нд кино театруудаар гарч эхлэх юм.