Ерөнхийлөгч У.Хүрэлсүх НҮБ-ын Ерөнхий нарийн бичгийн даргыг андуурав

2021-10-05 285 0

Ерөнхийлөгчийн санаачилгаар “Тэрбум мод” үндэсний хөдөлгөөн өнөөдөр албан ёсоор эхэлсэн. Энэ үеэр тэрбээр сэтгүүлчдийн асуултад хариулахдаа НҮБ-ын Ерөнхий нарийн бичгийн даргыг андуурчээ.

Тодруулбал, Ерөнхийлөгч У.Хүрэлсүх сэтгүүлчдэд “Би НҮБ-ын хуралд оролцож үг хэлсэн. Дараа нь НҮБ-ын Ерөнхий нарийн бичгийн дарга Кофи Аннантай уулзсан. Мөн НҮБ-ын Хөгжлийн хөтөлбөрийн удирдагчтай уулзсан” хэмээн ярьсан байна.

Гэвч түүний уулзсан хэмээсэн НҮБ-ын Ерөнхий нарийн бичгийн дарга асан, Нобелийн Энх тайвны шагналт Кофи Аннан нь 2018 оны наймдугаар сард, 80 насандаа таалал төгссөн.

Тэрээр 1997 онд НҮБ-ын долоо дахь Ерөнхий нарийн бичгийн даргаар томилогдож, 2006 оны арванхоёрдугаар сар хүртэл ажилласан юм.

Түүнээс хойш НҮБ-ын Ерөнхий нарийн бичгийн дарга хоёр ч удаа солигдсон бөгөөд 2017 оноос хойш өнөөдрийг хүртэл Антониу Гутерриш НҮБ-ын ес дэх Ерөнхий нарийн бичгийн даргаар ажиллаж байна.

Холбоотой мэдээ

Нарны замд хучилт хийх тул замын хөдөлгөөнийг хэсэгчлэн хаана

Манай орны нийт нутгийн 20 орчим хувьд бэлчээрийн ургамал цухуйгаагүй байна

БНТУ-ын Истанбул хотын Ойн газартай хамтран ажиллана

© 2018 - 2025 Бүх эрх хуулиар хамгаалагдсан.