З.Энхболдыг АН-аас “хөөх” санал гаргажээ

С.Эрдэнэ даргатай буюу албан ёсны тамга, тэмдэгтэй АН-ын Үндсэн Дүрмийн Хороо 8-р сарын 30-нд хуралдан, Архангайн “урвагчид” буюу НИТХ дахь МАН-ынхантай нийлэн, өөрийн намаас томилогдсон аймгийн засаг даргаа огцруулсан М.Батжаргал, Р.Нямдорж, Э.Баттулга нарт Үндсэн дүрмийн хорооноос Үндсэн дүрмийн 3.9.3.4 дагуу Ардчилсан намын гишүүнээс 4 жилийн хугацаатай хасах сахилгын шийтгэл хүлээлгэсэн билээ.
Мөн АН-ын Үндсэн Дүрмийн Хороо 9-р сарын 3-нд дахин хуралджээ.

Энэ үеэр АН-ын дарга асан, ЕТГ-ын дарга асан З.Энхболд, АН-ын даргын үүрэг гүйцэтгэгч асан, УИХ-ын гишүүн Ц.Туваан нарт мөн хариуцлага тооцож, АН-аас “хөөх” санал яригдсан байна.
Уг саналыг 10-р сарын дундуур АН-ын Үндсэн Дүрмийн Хороо дахин хуралдан, эцэслэн шийдэхээр болжээ.

Эх сурвалж: Sonin.mn Э.Мягмар