Д.Сэлэнгээ паралимпын хошой хүрэл медальт тамирчинд ялагдан тэмцээнээ дуусгалаа

Паралимпын байт харвааны эмэгтэйчүүдийн ганцаарчилсан Recurve төрөлд өрсөлдсөн Д.Сэлэнгээ эхний шатанд Польшийн тамирчин Милена Олсевскатай цэц сорилоо.

Манай тамирчин хоёр болон дөрөв дэх сетэд ялснаар тооны харьцаа 4-4 болон тэнцээд байсан. Харин сүүлийн буюу тавдугаар сетэд оноо 20-25 харьцаагаар ялагдсанаар нийт дүн 4-6 харьцаагаар тэмцээнээ дуусгалаа.

Бороо орсон хүнд цаг агаарын нөхцөлд өрсөлдсөн Д.Сэлэнгээгийн өрсөлдөгч Милена Олсевска нь паралимпын хошой хүрэл медальтай.

Хоёр тамирчны сет бүрт авсан оноо:

Нэгдүгээр сет: Д.Сэлэнгээ 0-2 Милена Олсевска. Оноо: 8(0-1-7) – 24(8-9-7)
Хоёрдугаар сет: Д.Сэлэнгээ 2-0 Милена Олсевска. Оноо: 23(9-7-7) – 21(7-7-7)
Гуравдугаар сет: Д.Сэлэнгээ 0-2 Милена Олсевска. Оноо: 21(7-9-8) – 29(10-10-9)
Дөрөвдүгээр сет: Д.Сэлэнгээ 2-0 Милена Олсевска. Оноо: 29(9-10-10) – 23(9-8-6)
Тавдугаар сет: Д.Сэлэнгээ 0-2 Милена Олсевска. Оноо: 20(7-8-5) – 25(9-7-9)
Д.Сэлэнгээ эрэмбэ тогтоох шатанд нийт 72 сумнаас 461 оноо авч 24 тамирчнаас 23-т нь жагссан.