Паралимпын нээлт өнөөдөр 19:00 цагт эхэлнэ

Зуны 16 дахь удаагийн Паралимпын наадмын нээлт өнөөдөр 19:00 цагаас Токио хотын 68 мянган хүний суудалтай “Олимпын цэнгэлдэх хүрээлэн”-д эхэлнэ.

Дэлхийн 162 (+Дүрвэгсдийн баг) орны 4500 орчим тамирчид 22 спортын 539 төрөлд ур чадвараа сорино.

Тус наадамд манай улсаас

• Х. Энхтуяа (Пара тэеквондо)
• Г. Болор-Эрдэнэ (Пара тэеквондо)
• Э. Содномпилжээ (Пара поуэрлифтинг)
• Н. Мөнхбаатар (Пара байт харваа)
• Д.Сэлэнгээ (Пара байт харваа)
• З. Ганбаатар (Пара буудлага)
• Д.Саруултөгс (Хөнгөн атлетик)
• П.Энх-Манлай (Хөнгөн атлетик)
• А.Мөнхбат (Жүдо)
• С.Ядамдорж (Жүдо)
• Н.Алтанцэцэг (Жүдо) нарын 11 тамирчин оролцоно.
  2000 оны Сиднейн паралимпаас эхлэн оролцсон Монгол Улс паралимпын наадмаас нийт 3 медаль авч байсан.

Тодруулбал, 2008 оны Бээжингийн паралимпад байт харваагаар Д.Баатаржав алт, 2016 оны Риогийн паралимпад Э.Содномпилжээ хүндийг өргөлт, Б.Ууганхүү жүдогоор хүрэл медалийг хүртэж байсан.